മനസ്സ്....
ശുദ്ധീകരിയ്ക്കപ്പെട്ടാല്‍
ഭാരം കുറയുമെന്ന്....?
കഴുകിയുണക്കാനിട്ട
ഈറന്‍ തുണികളെ നോക്കി
എങ്ങനെ പറയാന്‍ കഴിയും...?
പിന്നെയുമതിനെ
തുറസ്സായൊരിടത്ത്
കൊടും വെയിലിനും,
ആടിവീശും കാറ്റിനും
വിധേയത്വം കൊണ്ട്
പാപക്കറയുടെ അവസാന-
തുള്ളിയുമിറ്റ് തീര്‍ന്ന്
ഇളംകാറ്റിലാടുമ്പോഴും,
വെയിലില്‍ തിളങ്ങുമ്പോഴും,
നൂലിഴകള്‍ക്കിടയില്‍
മായതൊളിച്ച് നില്‍ക്കും
ചിലപ്പോള്‍ പാപത്തിന്റെ
ചില നിഴലുകള്‍.... !
ഈ അലക്കും, നീലം മുക്കും..
പാപത്തെ പശ്ചാത്തപിയ്ക്കും പോലല്ലെ...?
നന്നായിട്ടുണ്ട്, മാഷേ
ReplyDeleteനല്ല എഴുത്ത് മനു
ReplyDeleteനന്നായിട്ടുണ്ട്...
ReplyDelete