പാഠപുസ്തകത്തില്‍ നിന്നും
കടമെടുത്തത്...
'വഴിയറിയാത്ത യാത്രയ്ക്കുള്ള
വണ്ടിക്കൂലിയും, വഴിച്ചിലവും'-
ചില്ലറത്തുട്ടുകള്‍...
യാത്രയില്‍ പല വഴിതെളിഞ്ഞ വേളയില്‍
വഴിതെറ്റിയത് വണ്ടിയോ... ?
കൊണ്ടിറക്കിയേടത്ത്
ഇടതും, വലതും തിരിയാതെ
നെഞ്ചു വിരിച്ചു നില്ക്കെ
ഒരു വഴിവന്നു കൊണ്ടുപോകുന്നു.
വഴിയില്‍, ബുദ്ധന്റെ മുന്നിലെ
പൂവഴി, മുള്‍ വഴികളില്ല
വിശ്രമിക്കാന് ബോധിമരത്തണലുമില്ല.
അറുക്കാനാഹ്വാനം കൊടുക്കും-
അഹിംസക്കാരന്റെ അറവുശാലയില്‍,
എതിര്ത്തവന്റെ ചോരയില്‍
കൊടിക്കൂറയുടെ വ്യവസായശാലയില്‍,
മാനുഷികതയ്ക്കപ്പുറം
പൗരാണിക,യധര്‍മ്മ മതശാലയില്‍....
പണിയെടുത്തിരുന്നു-
വഴിപിഴച്ചോന്
ദാഹനീരിന്റെ ലഹരിയില്‍
ഉണ്മാദയൗവ്വനം കടം കൊണ്ട ചൂതാട്ടം..
ഒരിക്കലിരുളിലന്നം തേടി
പാഷാണം രുചിച്ചപോല്‍
പിടഞ്ഞമര്‍ന്ന് ശ്വാസഗതി കൈവിടും കാലം
വഴിതിരിയു,ന്നിരുള്‍ മറയുന്നു
തെളിയുന്നു കാഴ്ചകള്‍...!!
എങ്കിലും
മനസ്സു ബന്ധിച്ച മാന്ത്രികച്ചരടിന്റെ
ഊരാക്കുടുക്കഴിക്കാനാകാതെ,
വഴിച്ചിലവും, വണ്ടിക്കൂലിയും
കീശയില്‍ അമര്‍ഷം കിലുങ്ങുന്നു.
അറുക്കാനാഹ്വാനം കൊടുക്കും-
ReplyDeleteഅഹിംസക്കാരന്റെ അറവുശാലയില്‍,
എതിര്ത്തവന്റെ ചോരയില്‍
കൊടിക്കൂറയുടെ വ്യവസായശാലയില്‍,
മാനുഷികതയ്ക്കപ്പുറം
പൗരാണിക,യധര്‍മ്മ മതശാലയില്‍....
പണിയെടുത്തിരുന്നു-
വഴിപിഴച്ചോന്
ദാഹനീരിന്റെ ലഹരിയില്‍
ഉണ്മാദയൗവ്വനം കടം കൊണ്ട ചൂതാട്ടം..
ഈ വരികള്‍ ഏറെ മനസ്സില്‍ തട്ടി.
വഴിപിഴച്ചോന്
ReplyDeleteദാഹനീരിന്റെ ലഹരിയില്‍
ഉണ്മാദയൗവ്വനം കടം കൊണ്ട ചൂതാട്ടം..
നന്നായിട്ടുണ്ട് വരികൾ..
നന്നായി, ആശംസകള്‍..
ReplyDelete